Kash kabhi aisa ho jae,
Tere sapne mere ho jae,
Lekar chalein kahin dur gagan main,
Fuslakar, behlakar baithein angan main,
Ho sake toh le chalna,
Band baste main voh purani kitab,
Likhi thi jismein humne kahani,
Kuch teri, kuch meri,
Raste pe na jane kya kya mile,
Hasraton se bhare pankh kuch Azaad karna,
Ud chalna, bheeg jana, hass bhi lena tum,
Asman nhi kisi ka, pani ko bhi hai koi rok saka,
Mod aye toh, sambhal jana tum,
Rasta na mile toh,
Ghabrana na tum,
Raaste aur bhi hain, vapis mudna na tum,
Pta nhi kahan mila voh,
Lakdi ka madmast dibba,
Garmiyon ki chuttiyon main jismein,
Azaad hote the sapne kai,
Mitti ke voh bartan,
Kagaz ka taj vohi,
Rangeen pani tha,
Patang ki dor Bdi,
Pathar the apna khazana,
Koi gol, toh koi chamkeela,
Jeb main hote thi ek hi chawanni,
Koi meethi, toh koi tasveer,
Na jane kisne Btaya,
Un lakeeron main tha jo likha,
Yeh le beta, sapna tera,
Naseeb pak hai tera, hai bhagwan, toh tu savera,
Bdi koshish ki,
Samjhun likha kya tha haathon main mere,
Pta nhi kyun dikha nhi voh sapna mujhe,
Shayad hun main nasamajh, shayad andha zra,
Dekha jab pairon pe khade us shareer ko,
Hath nhi the jiske, but tha josh bda, socha main,
Hathon ki lakeerein,
Likhti nhi naseeb,
Sapnon ki is bheed main,
Ashaon ke is khol main,
Khud ko dhundha hai abhi,
Thoda waqt aur lagega, shayad kuch barson abhi,
Chorh aye the na jane kahan,
Gale main tang voh Kala saap,
Peecha karti voh filein,
Voh tareekhein jo hamesha thi pass,
Bebas si zindagi ho gyi thi,
Samay bahut tha, par kabhi pura nhi,
Chup chap roz bistar main,
Sula dete the sapne kai,
Kuch saans ab mili si hai,
Kuch jaan jagi si hai,
Kya main bhi ud sakta hun,
Kya main bhi azaad hun,
Kash kabhi aisa ho jae,
Tere sapne mere ho jae,
Lekar chalein kahin dur gagan main,
Fuslakar, behlakar baithein angan main,
Ho gyi hai subah,
Asmaan hai bda saaf abhi,
Dheere se mere kaano se guzra chup chap abhi,
Sannaton main jag gyi hai ek chingari nyi,
Udd chalo ab der nhi…..
Lovely well written
LikeLiked by 1 person
Thank you Subhash. 🙂
LikeLiked by 1 person
Welcome dear
LikeLiked by 1 person
😀
LikeLike
Waah .. It’s awesome.😃
LikeLiked by 1 person
Thank you Rashmi. 🙂
LikeLiked by 1 person
kuch teri, kuch meri baten kya khoob kahi,
padte padte, raaste bahut khoob kati 🙂
LikeLiked by 2 people
Kya baat Radhika Ma’am. Kya khoob kha ap ne. 🙂
LikeLiked by 1 person
LikeLike
LikeLike
Ise kehte hain shayari!! Vishal-shekhar ko de do to mast sa bollywood gana ban sakta hai iska. 😃You are bloody good Harsh😎😍
LikeLiked by 2 people
Hahaha, thank you Mona. Bas ek choti si koshish thi. I am glad you liked it. 🙂
LikeLiked by 1 person
Koshish kaha se bhai, tum to mahir ho!!😉
LikeLiked by 2 people
Haha, thank you. 😀😀
LikeLiked by 1 person
How come transliteration and not in the hindi script?
LikeLiked by 1 person
I typed this on phone. The iPad was discharged. 🙁
LikeLike
Are you telling me you own an ipad as well 😛
LikeLiked by 1 person
No no, I am sorry if you got that from it. I never wanted to tell this. I am sorry. 😅
LikeLike
Hahahahahahahahahahaha
LikeLiked by 1 person
Wah …amazing.
LikeLiked by 1 person
Dhanyawad Ji
LikeLiked by 1 person